დებატ კლუბი - თვითშემეცნებისა
და განვითარებისთვის

დებატები არის ფორმალური შეჯიბრება არგუმენტებით ორ გუნდს, ან ორ ადამიანს შორის. უფრო ფართო გაგებით, დებატები არის უმნიშვნელოვანესი იარაღი დემოკრატიული და ღია საზოგადოების განვითარებისა და შენარჩუნებისათვის.

ვდებატობთ კარლ პოპერის პრინციპით, სამი-სამზე. მომავალში იგეგმება სხვა ფორმატების განხილვაც.

დებატ კლუბში განავითარებთ კრიტიკულ აზროვნებას, ისწავლით არგუმენტირებულ მსჯელობას, შეიძენთ ახალ მეგობრებს და რაც მთავარია შეგეძლებათ ჩემპიონატში მონაწილეობა.

ჩემპიონატი ჩატარდება სავარაუდოდ სკოლაში, ორ ნაწილად, დაბალი საფეხურის (7-9) და საშუალო საფეხურის (10-12) კლასის მოსწავლეებისთვის.

გამარჯვებულის ვინაობას გამოავლენენ წინა წლების დებატ კლუბის გამოცდილი წევრები და კომპეტენტური პირები, დროდადრო ჟიურად გვეწვევა ბატონი ვანო ელიკაშვილი.

ჩემპიონატში გამარჯვებულ (I, II, III)ადგილის მქონე გუნდებს გადაეცემათ პრიზები: სიგელები და ვაუჩერები!

ჩემპიონატს ბატონი ვანო ელიკაშვილის დახმარებით, აორგანიზებენ: ნია დავლიძე, ანდრონ ოსიპოვი, ირაკლი ხარიტონიშვილი და ლიზი არქანია.